早年憑《愛‧回家之開心速遞》的「熊尚善」為人認識的簡淑兒，一度獲無綫力捧，參演過好多劇集演出，如《踩過界II、《C9特工》、《智能愛人》、《我家無難事》等，本來她要飛到馬來西亞為《聲夢傳奇2》擔任評判及表演嘉賓，組合出身的她之前還表示好耐冇唱歌，出發前要練吓歌先，又話當地同事知她將到馬來西亞，準備帶她四圍去「食好西」，但今日（20日）她忽然宣布離巢無綫。

馬來西亞之行突然「失蹤」的她，在社交平台透露正式回復自由身，她留言：「曾經有一份執着，好想喺度做到啲成績出嚟，去到有一刻，發覺自己唔想再活喺一個框框入面，慢慢咁失去自己的價值，之後仲有好長嘅路，我會繼續努力。」她好想多謝公司合作過的導演同監製，多謝大家給她機會、鼓勵同肯定，她續寫：「多謝曾經美好過嘅回憶，最開心喺到認識好多好好嘅同事，跳出框框的勇氣，自由身，新開始吧。」