張彥博挑戰刺激玩意　發揮潛能衝上雲霄

藝人張彥博上月底聯同港姐邵初、黎芷珊到內地為無綫拍攝一個綜藝節目，見阿博在網上不時分享拍攝花絮照片，戴上頭盔的他獲安排玩越野四驅車，他形容「很有速度感，同埋玩完好似打完泥漿摔角咁，底褲都濕理。」不過他應該覺得好刺激，所以打算飛多轉先，之後他們又去到滑雪場玩，成副武裝上陣卻搞笑孭住隻巨型海龜毛公仔，他笑說：「同海龜滑雪都係第一次。」不過見他最開心是去揸飛機，戴上黑超化身Cool魔咁型到爆，坐在機師位的他仲似模似樣，係咪衝上雲霄佢就賣關子未有透露。