珍妮花露柏絲開騷宣布14歲女兒為「非二元性別者」

美國天后「籮霸」珍妮花露柏絲（Jennifer Lopez）上周與14歲女兒Emme一同在演唱會上合唱，她向觀眾介入女兒時說：「對上一次我哋都喺如今次咁大嘅體育館內一同表演過，而我成日要求『佢哋』同我合唱，『佢哋』都唔肯。所以今次係非常特殊場合。『佢哋』非常非常忙、難約同昂貴。每次出嚟『佢哋』都令我使好多錢。不過『佢哋』值得我每一分每一毫，因為『佢哋』係我最喜愛的二重唱拍檔。」

由於她三番四次用「他們」來稱呼女兒，因而被指「籮霸」宣布女兒是「非二元性別者」（non-binary），有網民就留言大讚「籮霸」是好家長好支持自己女兒。Emme是「籮霸」與歌手前夫Marc Anthony所生的。

「非二元性別」是指不完全屬於男性或女性兩種性別的認同。他們會以「he／他」、「she／她」改成「they／them/他們」。多位紅星包括日本天后宇多田光、Sam Smith以及Demi Lovato等都是「非二元性別者」。