那年18歲︱鍾嘉欣參加活力新星大賽　超純水着Look出土

藝人鍾嘉欣現正於加拿大待產，她日前才Post最新大肚照，肥人唔肥肚，得天獨厚。但她仍不忘經營個人短片頻道。她日前分享了自己18歲時喺溫哥華參加「活力新星大賽」的片段，只見她身穿粉紅背心，還拿着長遮登場，嘉欣憶述當時幾乎素顏上陣，而身上的飾物是來自婆婆和媽媽。而她的髮型由媽媽操刀。

嘉欣自爆當年好鍾意鄭伊健，所以入行後與伊健拍攝劇集《隨時侯命》，是一件十分幸運嘅事情：「見到18歲嘅我，會心微笑，見到一個真係好單純嘅女仔……以前啲皮膚真係唔錯，係冇粉底，只係加咗媽咪嘅唇膏。」比賽去到決賽時，嘉欣要以三點式上陣：「你會見到一次又一次嘅舞台，我係愈來愈有自信。」

嘉欣指所有片段都十分珍惜，認真有錢都買唔到：「感恩好朋友當時攝錄下來，可以讓大家看回18歲時的我，性格是如何，很欣賞年輕時的我想法簡單，是一個很勇敢的女仔，參加選美要好大勇氣，要面對好多人，那時的我從來沒有在台上表演過，是一個好怕醜女仔。」