林子祥同葉蒨文公然放閃　林德信：佢哋不嬲都係咁！

藝人林德信與英皇新人黎峻，今晚（21日）出席主演電影《一樣的天空》首映禮。林德信今次與米雪於戲內「夾Band」，創作出「Hip Hop版昭君出塞」，令他大叫好玩：「本來只係錄半隻歌，後來因為效果好好，負責嘅音樂人直程搞咗全首歌出嚟。（對粵劇有興趣？）覺得好難，但有興趣嘅。」

談到父親林子祥與葉蒨文於內地綜藝節目《聲生不息》內公然晒愛，林德信打趣：「佢哋不嬲都係咁，好Sweet。（佢哋演出好精彩。）我覺得仲好聽過平時，因為有重新編曲配合。（想唔想參加內地綜藝節目？）想，恨咗好耐。」

黎峻因為今次演出，特意用短時間去練舞獅。談到近期與偶像陶大宇合作，他說：「大宇哥真係好幽默，企出嚟就搞到大家好開心，我好鍾意睇佢嘅《刑事偵緝檔案》系列。（你簽約一年已經拍咗四套戲。）係呀，多謝公司，每個演出我都好畀心機。」