蔚雨芯露肩獻琴技超吸睛　2,500呎豪宅驚喜曝光

有「魔鬼胸」之稱嘅藝人蔚雨芯（Rainky）除咗擁有姣好身材，仲有驚人嘅吸金力。有傳佢嘅美容品牌平均月賺過百萬，仲同家人住喺2,500呎嘅獨立屋，生活相當富貴。而喺今日（21日）Rainky就喺社交網貼出近照，見佢着住一字膊上衣，大晒白滑香肩，又貼出影片大獻琴技，仲意外曝光佢嘅豪宅。從影片可見，佢嘅客廳掛住華麗嘅吊燈，仲有好大塊落地大玻璃，中間仲有條超長走廊，放咗一部白色大鋼琴，環境闊落又舒適。而Rainky仲喺貼文寫到：「這世界很煩，但你要很可愛。」而網民都大讚佢琴技一流，仲話佢屋企好大，真係羨慕死人啦！