練樂儀用1,350萬連掃紅磡2個單位：全部都係我自己畀！　

藝人練樂儀原來是隱形小富婆，她於上周六（17日）瞄準紅磡新盤，首次置業竟豪花1,350萬元連掃2個相連的一房270呎單位，一個買給家人，一個自己，並打算打通變540呎二房二廳二廁較大單位，將來與家人同住。樂儀坦言首次置業有好多考慮，顧慮到美國加息，亦擔心樓市會下跌等，問到供樓最大壓力？她說：「我百足咁多爪，多元發展多類型工作，本身又演又唱又潛水，亦有做護士工作，我也想有爸爸媽媽幫我畀首期，事實上係全部都係我畀，靠自己。」

她是圈中出名的搏命女神，由18歲開始她便日踩兩三個工作，自細的心願就是要上車，她說：「熟識我的朋友都知我工作行先，事業為重，好多人最經常問我：「其實你使唔使瞓㗎？」她搏命工作之餘，亦搏命玩，現平均只睡4至5個小時，寧願犧牲休息時間，換來時間去游水、潛水、滑水和滑雪，她認為人生苦短，要過精彩人生，不想白過任何一秒。