元天屯大停電︱On仔身陷黑暗以為打仗 Ian急慰問Fans

20220622
東網電視
更多新聞短片
0
中電電纜橋尋日(21日)因大火至倒塌,導致元朗、天水圍及屯門大規模停電,可謂史無前例。唔自大批市民深受停電影響,就連組合C AllStar成員陳健安(On仔)都「深受其害」,因斷電、斷網絡、斷Wifi,收唔到外界消息嘅佢,尋晚一度陷入恐慌!
On仔通網絡後即急急更新社交網,至接近午夜上載短片名為「停電無網絡的一小時」,原來事發時他剛跑完步準備回家:「冇晒電連想打999都打唔到。返到屋企點着晒啲蠟燭,同埋充電月亮燈及露營燈。冇晒燈啲星星好光,但好危險,因為連紅綠燈都冇晒,交通亂七八糟。經過安老院又好擔心,因為有啲老人家要靠電子儀器保命。冇電,好似世界大亂,以為打仗。」佢又指自己跑完步要沖凍水涼,但冇法吹頭,連飲水都成問題:「屋企只用電子水機,冇電開唔到機飲水。仲有盒奶,雪櫃冇電,要快啲飲晒啲奶,否則會變。」佢曾考慮去媽媽家借宿,不過好快家中電力已恢復。
元朗、天水圍及屯門區大停電,唔少屋苑、商場、醫院冇電力供應,網上見有粉絲拎出為偶像應援嘅燈牌作照明,一向錫Fans嘅組合MIRROR成員Ian(陳卓賢),亦發文慰問,叫粉絲要小心啲,夠晒窩心。