張沛樂飛泰國拍節目　三點式上陣大派深水導彈

藝人張沛樂（沙律）自宣布與ERROR成員保錡分手後，離開ViuTV，轉投開電視。而喺尋日（21日）佢就喺社交網貼出近照，見佢三點式上陣，喺泳池邊打卡，仲拋出一對超白滑嘅深水導彈，睇到網民直呼全身熱辣辣，留言話：「索到爆！」、「咁火辣得唔得㗎？」原來呢排沙律飛咗泰國拍節目，佢仲喺貼文寫到：「泰國雖然好熱，但比起香港的濕熱舒服多了，永遠都是接觸大自然最舒服開心，游泳池也是很美很涼快。當用力投入做一件事後，再完全放下，就可以脫離人生故事。」睇嚟呢次泰國之旅，令佢有好深嘅體會呀！