陳家樂訂婚覓愛巢 衛詩雅幫手搵樓好帶挈

2022年06月22日 17:17
東網電視
更多新聞短片
藝人衛詩雅自家網上節目《衛食攻略》向來深受歡迎,最近她孖住好拍檔陳家樂到紅磡一帶搵食,順道參觀當區一個新盤《必嘉坊·曦匯》。剛宣布訂婚的陳家樂在片中表示現正尋覓新居,知道衛詩雅經常到訪不同地區拍片又喜歡四圍睇樓,相信對方一定有好介紹。家樂希望新居位於交通方便,鄰近美食區,最重要是有個靚會所和泳池及帶點外國感覺。
衛詩雅隨即推薦紅磡區好住,她指該區有不同種類的餐廳,又鄰近港鐵紅磡站、黃埔站及何文田站,加上現時東鐵線已經接駁到會展站及金鐘站,可為家樂省下不少油費及停車場租金。衛詩雅表示至少省下數千元,叫家樂請她食飯,家樂聞言隨即拉開話題。
訪問期間,衛詩雅還大爆對方:「好鍾意跟住我搬,我住邊你住邊!」着他若叫外賣時可「叫埋我嗰份,等我落嚟食你話幾好呢?」之後衛詩雅更充當領隊,帶家樂到不同餐廳搵食。她說︰「我住過紅磡一、兩年,呢度餐廳好多,食物水準唔得嘅話係冇得留低!轉手轉得好快!」
家樂對衛詩雅的推薦大感滿意,她亦不忙發揮慳家本色,再次呼籲家樂置業之後,每次叫外賣也可以預埋她,及不要忘記請她飲入伙酒。