193自爆擇偶條件睇身材 郭奕芯超Open大談性經驗

20220622
東網電視
更多新聞短片
男團ERROR成員193(郭嘉駿)、郭奕芯以及譚凱倫今日(22日)於九龍灣拍攝ViuTv節目《晚吹-戀講嘢》。193指節目內容愈講愈咸,他說:「真係要控制番個尺度,唔想變咗《啪啪Partner》,好似今朝咁,拍嘅尺度都有啲大,3位女主持都講得幾鹹濕。」193指節目其中一位主持鄭伊琪今日未有現身,就是衰講鹹濕嘢,他說:「因為佢講得太Over,所以唔畀佢嚟。」
而問到193在女生面前大講鹹濕話題可會尷尬,郭奕芯即搶住答:「可能佢好興奮呢。」193則笑言:「同佢哋無畫面、無遐想,其他靚女都可能會制控唔住。」郭奕芯則反擊:「你又話唔愛靚女。」193則澄清:「我無話唔愛靚女,只係話我鍾意嘅女仔,唔一定係靚女,唔好屈我,我主要睇心靈同內在美,唔睇外表但睇身材,哈哈。」節目如此敢言,問主持們會否講述自己的性經驗?郭奕芯表示:「會,好似今朝拍呢集,都比較破格同鹹濕,講歡樂高潮嘅嘢,呢個節目愈嚟愈多元化,唔會為鹹濕而鹹濕。」
至於193則沒有郭奕芯般開放,他說:「我不嬲都無話自己敢言,只係鍾意鬧人同埋潑婦罵街,不過,偶像唔講呢啲嘢,屎都唔可以屙。(會唔會請ERROR班兄弟上節目?)唔會,都係請啲素人、KOL,如果請藝人嘅話,節目都應該摺得!」