趙希洛《十八年後2.0》情慾戲橫飛 怕尷尬同男友分開睇

2022年06月22日 18:22
東網電視
更多新聞短片
趙希洛、譚凱琪、黃嘉樂今日(22日)在尖沙咀出席明珠台活動。趙希洛、譚凱琪主演的劇集《十八年後的終極告白2.0》將大結局,趙希洛表示戥觀眾緊張,講到近日有不少情慾戲可有與男友一起欣賞?她笑說:「我哋分開睇,驚一齊睇會尷尬,佢對我嘅評語係『專業』,又話呢啲係我嘅工作,聽到即刻放心晒。」
譚凱琪則讚趙希洛的情慾戲演出,相信男觀眾會看到心動。她又自爆不斷被追問劇情,忍口忍得相當辛苦,連老公和奶奶也沒情講未有劇透,她笑說:「我真係好大膽,連奶奶都唔講,因為我哋簽咗保密協議。」
黃嘉樂上月向圈外女友求婚成功,他指過程有不少蝦碌,他笑說:「想畀驚喜佢,約佢去睇自然景觀『藍眼淚』,拎戒指出嚟嘅時候女友問我點解冇花,話有花先答應,跪低求婚又有三架跑車打燈,女友以為係我安排,都有啲尷尬,我話唔關我事。」嘉樂指婚禮日期則要看疫情,問到可會先「造人」?他笑說:「隨緣有能力都想,見到啲兄弟有小朋友咁開心。」