馬浚偉減少幕前提攜新人 睇好施匡翹又靚又有潛質

2022年06月22日 19:03
東網電視
更多新聞短片
藝人馬浚偉與施匡翹今日(22日)出席活動,為生命短片系列《同一天空下》作宣傳,馬浚偉表示今次自己集編劇、導演及監製於一身,他表示現時已不太喜歡出鏡演幕前,但戲癮仍在,他說:「因為幕後已經有好多嘢處理,同埋想搵多啲新一代素人或者做開嘅有心人,自己都演咗咁多年幕前,機會要畀人,加上自己鍾意創作。」他指今次短片以另一模式,以同理心、同情心去將關注弱勢的訊息傳遞出去,會比説教式來得更好,另他對今次有份參演的施匡翹讚口不絕:「同佢喺《我們的開學禮》合作過,覺得佢好有潛質,又靚女、勤力又謙虛,值得畀多啲機會佢。」
被馬浚偉的讚賞,施匡翹笑稱表示有壓力,她說:「其實一定有嘅,不過有呢個機會真係好開心,佢真係好好,好肯教我哋呢班新人,呢啲真係有錢都買唔到。」劇中要演一名半身不遂少女的她,坦言對她是很大挑戰:「自己戲劇上好新,加上要用到電動同手動輪椅,要不停練習。」