胡曦文花8位數搞展覽　舉行前夕驚爆「失竊」事件

名媛胡曦文（Christy）今日（22日）於中環為自家品牌「Crisathena」舉行展覽會，多位好友及圈中人包括溫碧霞、伍詠薇和孫慧雪等亦到場支持。Christy表示為今次展覽花費超過8位數字，亦出動了私伙傢俬為場地布置：「一直有喺全球做展覽，儲咗好多傢俬，所以出動自己傢俬，有品味好多。」為此她昨日（21日）花了一整天為場地布置，亦花心思與朋友親手製作甜品預備招呼到場好友，但布置過程中發生了一段小插曲，她説：「尋日一早10點開始嚟到布置，做到夜晚10點，後來發現有啲宣傳紙板唔見咗，即刻通知酒店喺睇返CCTV，發現畀隔籬房嘅人攞走咗仲開埋車走，好彩搵得返佢，因為冇時間再印過。」她指應該是一場誤會，對方並非存心拿走她的物品。

Christy表示預計2023年推出自家鑽石首飾系列，亦籌備於法國開新店，如此忙碌，問她有否擔心影響婚期，她説：「真正嘅愛係唔會畀呢啲事情影響嘅，有冇張紙（結婚證書）其實都冇關係。（唔擔心男友走咗去？）佢驚我走多啲，哈哈！」