洪永城勇闖門薩學會 考IQ拉低水平

2022年06月22日 21:02
東網電視
更多新聞短片
藝人洪永城主持的新節目《香港25個第一》將香港多個至叻的No.1呈現,包括交通運輸、基建、大自然行山徑、搭棚、IQ、長壽等,成為香港的驕傲。在節目中,他拜訪門薩學會,原來智商必須達到140才能夠進入該學會,他笑言:「我自己做咗個考試,結果我拉低咗大家水平。」他又訪問圈中長青樹今年90歲的胡楓(修哥),由修哥分享養生之道,修哥經常相約友人聚會,原來也是養生的一種,不過疫情下沒法外出,令他感到納悶,洪永城稱:「我有問佢後生時係咪好多女朋友,佢話冇,所以點解佢會咁長命啦!(你學修哥戒色養生?)我唔知佢意思係咪戒色,不過咁長命係有原因。」
另外,香港龍虎武師也是第一,他在訪問武指林迪安時,更做了一日武師,他說:「龍虎武師都係第一位,我做咗一日武師,做替身畀人打,冇諗過做替身嘅感覺,又冇諗過拉威吔嘅辛苦,真係一仆一䟿。」平日拍戲擺甫士好像很簡單,但背後武指其實花了不少工夫。洪永城提到香港的夜景也是第一,他學做霓虹光管時,想炮製一個「老婆我愛你」的霓虹光管送老婆。
早前他同時為《香港25個第一》和J2的《呢鋪開乜:開腦》開工,日做12小時,笑言兩個月內,追回疫情失去的兩年,完成手頭工作後,他便與陳展鵬、吳若希等到寧波和北京拍攝劇集《香港人在北京》,會逗留3個多月,首次挑戰21日隔離生活,已準備多套電影、劇本、書和運動儀器等,希望在酒店完成隔離後,以最fit狀態示人。問到是否最驚囡囡唔認得他時,他直言:「一定驚,老婆都驚我唔喺度點算,冇咗我一對手幫忙湊女係差啲。」講笑也擔心兩大長老外母和他媽媽會寵壞女兒。他稱以前出埠工作,一有空檔便回港,但疫情下開工,他稱3個月是自己的底線:「希望出埠時間短啲,就可以多啲時間見老婆和女,(想唔想一家三口拍真人騷?)都好,不過老婆都好忙,唔知有冇時間一齊玩。」
服裝:Harvey Nichols
髮型:Junchoy @ BHC Peninsuia