聲夢2︱人氣Top 5出爐　Pamela暫登榜首

無綫節目《聲夢傳奇2》增設學員人氣榜，於本月11日開始接受投票，並逢星期五更新最新三甲走勢。首回成績已於上周五（17日）公布，頭5個單位分別為Pamela、XiX、Jasmine、Sabrina及Janees；對於喜獲支持，5大人氣單位齊齊拍片謝票兼各出其招拉票，當中以暫時排名榜首的Pamela最有策略，大玩網上點唱：「大家可以留言點歌，我會揀三首歌唱番畀大家聽。」排名第2名的XiX則以「聲殺」拉票，更邊跳邊Rap表達謝意：「多謝大家投我哋票，希望可以令到你哋笑；大家一齊支持《聲夢2》，成為Top 5一啲都唔易；應承大家愈做愈好，大家加油Good Show！」