難捨難離！甄子丹又見王寶強勁冤氣　汪詩詩大方唔呷醋

「宇宙最強」甄子丹最近繼續留守內地，趁住工作空檔孖老婆汪詩詩遊遍大江南北，最新一站去到成都，詩詩喺社交網多張靚相，誠心禮佛多年嘅佢哋當然有到當地寺廟參拜，兩公婆亦喺唔同景點前，攬到實合照，相當冤氣。不過最令人驚喜嘅係，原來佢哋此行亦去咗探望好友王寶強，甄子丹同王寶強合作無間，上個月先去到片場探對方班，話咁快又再次見面，冤氣程度絕對唔輸老婆汪詩詩！不過汪詩詩一啲都冇呷醋，仲話好開心呢次旅程見到唔少新舊朋友添。