「絲襪女神」陳善渝係「被鹹豬手專業戶」 慘遭非禮近10次

20220623
東網電視
更多新聞短片
有「絲襪女神」之稱嘅Odilia(陳善渝)在社交網上載跟演員泰臣的合照,留言:「『禮儀手』唔止韓國藝能界有,香港都有,『禮儀手』示範。」相中見泰臣左手落在Odilia腰間,不過細看下,發現男方的手是懸空,未有和她有肌膚之親,但其「禮儀手論」卻令人聯想到她曾遭鹹豬手。
擁有模特兒身材的Odilia,原來是「被鹹豬手專業戶」,曾被非禮8至10次之多,被侵犯位置包括Pat Pat及大髀,她說:「多數發生喺人多擠迫嘅地方,最記得有次同朋友去飲嘢,Feel到有人刻意用手指刮我個Pat Pat,嗰個力度係佢想畀我知道。又有次喺港鐵站,有個人刻意用手揩我大髀,我立即一手推開佢。」她坦言遇到色狼絕不啞忍,仲試過嬲到擰轉身追對方,而「慣犯」多數走入人群中,消失於人海,她無奈說到:「有啲真係避冇可避,惟有自己小心啲。」而問到圈中有沒有遇上無恥之徒?她則說未見過,更指特別欣賞泰臣,對女藝人保持禮儀。
現時忙於拍攝無綫劇集《靈戲逼人》、《你好,我的大夫》及另一齣電影的她,雖然工作時間長,減少了休息時間,但她直言忙得開心,她說:「兩種都係我鍾意嘅,拍劇係新嘗試,電影係再次接觸,而且今次角色都重要,希望爭取時間準備好劇本,唔明白會主動去搵導演、監製溝通,仲要會搵戲劇老師增值演技,想拍出好效果。」