縱慾上位被力推升呢女一 趙希洛吐氣揚眉:對屋企有交代

20220623
東網電視
更多新聞短片
趙希洛在《十八年後2.0》憑演技與突破的情慾演出打響名堂,坐穩主角席位。直言恨做「女一」的她除了想實現夢想,亦為了對家人有個交代。
憑「御用癲婆」打響名堂贏得「最佳女配角」獎項的趙希洛,近期在無綫劇集《十八年後的終極告白2.0》中成功上位,演繹經歷女人最痛老公出軌,到「黑化」縱慾報復丈夫角色,演出獲網民大讚,穩佔主角一席位。入行15年的她直言恨做女主角,除了實現自己夢想,亦希望向家人有個交代。身為「星二代」及「富二代」,媽媽是前藝人梁小玲有亮麗家境的希洛,家人對她放棄做律師入行做演員一直有微言,她說:「希望可以快啲實踐呢個夢想,對屋企人都係一個交代,始終入行咁多年,依家都容許我做,但係有家人都唔係特別認同,希望可以做番啲嘢,令佢覺得咁多年嚟係值得,得到佢嘅認同。」
她入行以來未有靠媽媽的人脈平步青雲,靠實力力爭上游,現時她毋庸置異已經無限接近「女一」。她亦直言拍完《十八年2.0》覺得自己終於準備好挑戰女主角:「拍完覺得自己ready,好多謝兩個好好拍檔譚俊彥、陳山聰畀咗好大信心我,畀咗好多意見我,令我有勇氣去嘗試新嘢。」另一個令她增強信心的是,「鬼妹仔」由入行「目不識丁」,到現時中文大有進步,亦掃除了演戲的最大障礙,她說:「依家睇得明5成左右,消化劇本已經容易咗好多好多,以前表達唔到自己係最大障礙,中文對我嚟講真係好難學,抄格仔薄死背去練都試過,好彩依家科技進步,唔使再逐個字去問人,有網上翻譯。」