港姐面試︱佳麗爆胸戰 Erika化妝後忽變朱智賢

20220623
東網電視
更多新聞短片
《2022香港小姐競選》今日(23日)假將軍澳電視城進行佳麗第3輪面試,搶先一睹新一輪候選港姐嘅羞澀一面。港姐面試少有地去到第3次,除了為趕返港選美、需接受7日隔離的海外佳麗而設,亦讓評判可以再精挑細選。
當中大熱之一嘅「連詩雅師妹」邢慧敏(Sharon)同林俊賢囡囡林卓錡(前名林鈺洧)、兩人今日分別以「黑白雙煞」Look示人,Sharon穿上黑色連身裙大騷模特兒高挑身材,而林卓錡白色公主裙亮相,兩人同樣手挽名貴手袋,排場十足。
獲郭秀雲做提名人嘅22歲學霸Khaki(梁家琪),加埋上次被大讚省鏡嘅「翻版孫藝珍」梁超怡繼續順利入圍,佢再以黑色裙亮相,裙子款色與複試相似,佢話自己喜歡黑色,覺得可帶嚟好運,不過裙子似乎有啲鬆,見佢不斷整理條裙以防下滑走光。
而今日同樣有多名佳麗係首次現身,亦有海外佳麗登場,同樣明艷照人,加上近日天口熱,多位佳麗即以多個戰鬥格示人,更大方爆發「胸戰」,令大家眼睛一吃冰淇淋,就好似同樣第3次見人嘅KOL Cherry就以一襲白色夾胸連身裙出戰,對撼露黑Bra嘅Catherine,加埋以「?胸袋」?出新天地嘅疑似新面孔住麗,真係睇到大家好醒神。
不得不提上次「上下齊露」嘅Erika,上次似乎係素顏上陣,身材吸睛但相貌未見突出,反而今日佢化晒靚網出場,加上收起露肉衣着,佢忽然升呢滲出仙氣,細睇更有同為港姐出身嘅朱智賢影子,搖身一變氣質女神,令人驚喜!
上次複試以青春無敵「妹妹仔」打扮的Kary,今次「變身」大玩紅唇烈焰「成熟風」,不過,都幾靚女。屯門醫院實習醫生Chloe,說話帶口音。雖然不算靚,但斯斯文文,好有禮貌。