港姐面試︱爆炸頭第3次見人　慌失失Tinnie吊帶襯頸巾

港姐第三輪面試今日（23日）展開，除咗一班高質靚女之外，當然都要睇吓「奇趣之選」，其中穿上吊帶長裙嘅Tinnie，喺熱爆天氣下，披上長圍巾，成個打扮好似返咗去90年代，再加上，佢攞住件大褸，又一袋二袋咁，個樣仲要驚驚青青，十足十「慌」失失奇兵，好鬼搞笑。

喺上兩次憑着「爆炸頭」出位嘅Astrid，順利入到第三輪面試，現場所見，個頭仲「爆」過上次；至於同樣三輪面試有現身的Yohanna，笑起上嚟，嘴嘅Size絕對同網紅雪姨有得揮，唔知佢會唔會順利入圍。

「山寨舒淇」譚筱白繼續Cool爆，十問九唔應，連企定定影相都唔制，極速入城。「選美達人」張靜婷（Janice）選過港姐、亞姐，今次再戰港姐，但質素依然平庸，未見有大提升。