姚焯菲男友曝光怕醜清空社交網　原來佢係200蚊債仔

聲夢小花姚焯菲（Chantel）被喻為「國民初戀」，現年15歲嘅佢最近被發現原來收埋個男友，對方即被起底係鬈髮戴眼鏡、叫Marcus Kwok嘅男仔，仲話佢兩個早已秘戀足足1年。隨住二人同遊主題樂園嘅親密合照流出，男友社交網同時都曝光，不過唔知佢係咪太怕醜，又或者想低調拍拖，即被發現佢已默默清空社交網，帳號轉為私人及刪除頭像相，甘做Chantel「背後嘅男人」。

而早前被爆出有好友向Chantel「追債」200蚊，原來當事人正係Marcus，當時因為佢男友身份未曝光，Chantel經理人就指係Chantel朋友同佢開玩笑，依家大家先驚覺係小情人網上「耍花槍」。