姚焯菲「初戀」夢碎　男友疑暗示爆料者同粉絲有關

被喻為「國民初戀」嘅聲夢小花姚焯菲（Chantel），近日被揭有位鬈髮男友Marcus Kwok，更被踢爆已秘戀1年，網上更流出大批親密合照，包括二人同遊主題樂園、戴上情侶手繩、頭貼頭合照等，令只得15歲嘅Chantel被質疑早戀。雖然男友社交網已即時清空及轉為私人帳號，不過佢Del相前仍被眼利網友截圖，見佢疑似上載一張小飛象公仔及勞蘇公仔坐喺籃球架嘅相，並寫上「不相信任何人」字眼，即被網友聯想到今次拍拖事件同Chantel粉絲「小菲象」有關，懷疑爆料者同「小菲象」有關。