吳彥祖一家紐約出巡　 9歲女絕美正面曝光超搶Fo

藝人吳彥祖（Daniel）今日（23日）喺社交網發相，見佢同老婆Lisa S.以及9歲女吳斐然（Raven）出席劇集《西部世界》（Westworld）首映禮，着上黑色西裝嘅佢，相當有型靚仔。而最令人驚喜嘅係，一向唔畀呀囡出樣嘅佢，今次竟然大方公開阿女Raven嘅正面。從相中可見，Raven留住Bob頭，前陰仲挑染成紅色，望落型格又可愛！

而Daniel仲喺貼文寫到：「能演出這部影集我真的興奮極了，因為我是這齣劇的忠實粉絲。無論是影集中的老將還是跟我一樣的新血，和大家一起工作都充滿樂趣，你們猜得到我演的是人類還是機械人嗎？」佢仲話今次係佢同阿女第一張紅（黑）地氈照，所以非常開心。而唔少網民都大讚Raven好靚女，仲話佢哋兩父女好似樣。