楊思琦開Live同網友傾偈　5分鐘收1485蚊到底有咩服務？

前港姐楊思琦近年轉戰內地，活躍於社交網同網民互動，分享日常點滴，日前佢開Live嗰陣，有網友發現佢嘅直播間嘅右下角，有一個付費連線嘅窗口，有指個系統係唔會有呢個功能，似係佢本人設定嘅，等網友可以透過呢個窗口，同佢進行1對1付費限時連線，最長可以達5分鐘。據悉同楊思琦傾偈5分鐘需要1485港元，但並唔知係視像連線定係語音連線，不過應該係會見到楊思琦個樣嘅，令到網友都好奇到底嗰5分鐘有咩服務呢？

有網友對楊思琦呢個「付費連線」不滿，覺得佢為咗吸金真係無所不用其極，問佢係咪好等錢使？但係都有網友就力撐佢呢種付費方式，只係想避免混亂，保障番真心想同佢互動嘅網友喎！