Anson Lo為MV搞到傷痕纍纍　被?到爆血死頂

男團MIRROR成員盧瀚霆（Anson Lo）的新歌《King Kong》反應不錯，其實拍攝MV時他搞到全身傷痕纍纍，之前他的作品都會挑戰複雜舞步，雖則今次舞步較以往的歌曲簡單，但由於動作幅度大，在拍攝時反而增加了難度，AL說：「MV裏面有件衫有銀色扣披住，係Stylist團隊逐個拉鏈扣埋整成一個披，因為好多唔同金屬扣拼埋一齊，所以變得好重，一郁感覺就似做Gym舉鐵，比起排舞室着Tee跳會難好多，加上扣與扣之間有細扣Fix死，但拍攝時細扣鬆開或叉開，會刮到我啲肉。」

在兩天的拍攝中，他亦真的有受傷，他回憶道：「其中搭升降機一幕，製作團隊做咗一個生銹鐵籠，因為上面好多生銹物料，我要對嘴拍Mood Shot，唔能夠就住，否則唔夠有型，所以就會一嘢揩落去、摸落去，最終搞到隻手?到爆血，感覺似一把刀?開，不過係皮外傷，唔係好痛。」每次做歌到拍MV他都想有不同的感覺，今次歌曲算是心願達成，做到有氣勢、有神秘感，更有壯觀畫面，是自己計劃之中想做的事，他感謝團隊很團結去完成這次製作。