張曼玉驚喜晒蛇腰做DJ!郭富城讚大女Good Taste識揀衫

2022年06月23日 21:10
東網電視
更多新聞短片
天王郭富城(城城)現身中環時尚活動,透露活動之後要趕住開工,為新戲《內幕》拍外景,是次專程來捧場,因平日也愛Shopping,會陪太太買衫給兩個女兒。他透露女兒已開始自己揀衫,有個人品味,他說:「大寶鍾意運動型,二寶仲未識由我哋幫佢揀。依家每次帶大寶出街揀衫,佢都會揀來揀去,好腌尖,同我一樣。二寶就似媽咪比較文靜。」城城更透露大寶連性格亦跟他似到十足,鍾意唱歌、表演及喜歡漂亮的東西,但夫婦絕不偏心,兩個女兒都愛錫。身為愛妻號的他,更不忘買包包給太太,相當Sweet!
而提到剛過去的父親節,城城話收到兩個女親手做的手工禮物,簿上更貼了不同的圖案,寫上「Happy Father’s Day」,令他大感開心。
晚會即將圓滿落下帷幕之際,久未露面的影后張曼玉以特別嘉賓驚喜出現,大晒蛇腰的她化身DJ打碟,興奮地不斷揮手和畀Like,令現場嘉賓投入於音樂之中。