凌文龍拍新廣告挑戰饒舌 驚食螺絲閉關狂記歌詞

2022年06月23日 22:01
東網電視
更多新聞短片
近日忙於拍攝電影《夜校》的藝人凌文龍(小龍),早前百忙抽空為電子支付平台拍攝廣告。小龍更於廣告內挑戰饒舌場面和親自設計搞笑動作配合對白,引得在場人員笑不攏嘴。雖然他平時口齒伶俐,但也會有失手之時,期間出現「食螺絲」情況。他說:「歌詞非常難記,仲要Rap得好快,淨係歌詞都花咗接近1個月時間去練,好難呀!我攤長嚟練,因為如果我Pack埋晒一個禮拜咁練,驚我自己都記唔到,攤長差唔多一個月嚟練呀!」在拍攝前,他獨自閉關記歌詞及鑽研演繹方法,而工作人員即場突擊測驗,要他臨時預演一次,幸好也順利過關,導演亦相當滿意他的表現。