《接駁靈聲》女童星Madeleine McGraw拍恐怖片未驚過

今年13歲的美國女星Madeleine McGraw於恐怖片《接駁靈聲》（The Black Phone）飾演男主角的妹妹，不過她與擔任奸角的伊凡鶴基（Ethan Hawke）卻沒有對手戲。她受訪時表示：「好遺憾，我冇同伊凡鶴基有對手戲。但依家我睇到佢化咗妝同戴面具個樣，或者係一件好事！我記得佢哋砌個地牢場景時，我行過都毛管戙。如果喺嗰度見到伊凡化身嘅角色，都會幾得人驚！」

被問到拍恐怖片有沒有受驚時，她表示：「基本上冇，因為周圍都係燈光同工作人員。但正如先前所講，如果我有份拍地牢戲同見到化身做角色嘅伊凡，我可能會收返呢句說話。」