曹永廉《十八年後》癲喪演出搶戲但自覺未達標

藝人曹永廉於無綫熱播劇《十八年後的終極告白2.0》內，扮演喪失大肚妻、繼而跌落人生谷底至精神異常的男子，雖然佔戲不算多，但日前播出他失足墮海枉死的一集引來網民熱話，亦有不少人曾一度推測他是全劇Big Boss！

對於阿廉今次的「癲喪」，劇迷們似乎相當受落，然而當事人卻謙稱自覺演繹未算達標，且謂：「總之我自己唔係好滿意，加上當時狀況好差。呢套劇有個好處，編審度故事度得好好，好多人都有可能係兇手，結局真係未必估到，嬴到口碑都好滿足。」

對於網傳他即將舉家移居內地，阿廉表示：「我仲拍緊《愛．回家之開心速遞》，嚟緊又要同薛家燕及麥美恩等拍一部8集嘅賀歲劇，不過內地公司係幫我接洽咗啲工作，包括廣告拍攝等等，預計10月前我係會返內地走一趟，睇吓有冇商機囉。」