陳曼娜飛美國探醫生兒子　意外曝光超巨型豪宅

藝人陳曼娜演闊太深入民心，現實中佢同樣係圈中出名嘅富婆，有指身家過億嘅佢，除咗喺香港住2,500呎豪宅外，原來醫生兒子喺美國一樣住大屋，近日陳曼娜去到美國紐約探望兒子一家並喺社交網晒出近照，佢表示：「住在美國兒子的家享受天倫之樂！現時紐約天氣很好，難得大家不用戴口罩。感謝主！」相中見佢以一身休閒打扮，坐喺梳化上表現寫意，重點係客廳位置非常巨型，要用廣角鏡先勉強影晒成個廳，加上接近3層樓高嘅樓底，不但有樓梯接通幾層，透過大玻璃窗仲見到出面有大花園及泳池，非常奢華！