5歲細女食奶嘴惹公審　張繼聰霸氣反擊：我做老竇都未慌

歌手謝安琪及張繼聰一家四口相當幸福，近日細女張靖幼稚園畢業，張繼聰亦有喺社交網大晒囡囡畢業相，見張靖着上畢業袍非常可愛，不過另一短片，就見到5歲人仔嘅佢，竟然仲咬住奶嘴通屋走，即被網民公審，狠批：「咁大個人仲用奶嘴？」質疑會影響牙齒發育，愛女心切嘅張繼聰即霸氣反擊：「依個世界真係好多人關注人哋嘅小朋友點解食奶嘴，我做老竇都未慌，你哋定啲嚟啦。我嘅睇法係，大人都會有好多壞習慣，好多時仲會影響人，小朋友想食奶嘴，其實無傷大雅，佢唔會廿四小時狂食直到18歲啩？」