「港版C朗」安永佳一夜爆紅 完勝「豬肉AK」9條街

20220624
東網電視
更多新聞短片
最近香港有唔少新進男神崛起,繼「豬肉檔AK」威威彈起後,近日再有男神新鮮出爐,人氣更火速超越威威!呢位男神就係足球港隊猛將安永佳,現年25歲嘅佢喺啱啱於印度舉辦嘅亞洲盃外圍賽表現卓越,為港隊入足兩球,帶挈港隊相隔54年再度躋身決賽周,即時人氣急升,而除咗賽力備受肯定,最受矚目嘅當然係佢嘅明星外表,不但擁有1米9身高兼爆肌身材,加上深邃五官,被指似足出名靚仔嘅葡萄牙球星C朗,令佢贏得「港版C朗」嘅稱號!
其實安永佳係香港新西蘭混血兒,自小於香港長大,而且學歷背景非常有料,2015年曾到美國知名體育學院「IMG Academy」留學,翌年更入讀三藩市大學,並出戰美國大學聯賽,內外兼備,難怪網民都話佢完勝「豬肉檔AK」威威,就連社交網粉絲人數都成功爬頭,擁有1.8萬粉絲,比起出名多師奶粉絲嘅威威更勝一籌。