出千萬求驗DNA︱陳凱琳細佬移民加國 林作跪低:我願收回我的offer

2022年06月24日 15:24
東網電視
更多新聞短片
前港姐陳凱琳(Grace)龍鳳胎細佬Derek日前晒出與爸爸嘅合照,因佢嘅膚色同混血兒外貌與爸爸「唔似樣」,隨即引起網民熱議!「抽水王」林作尋日(23日)仲話得到媽媽嘅支持,願意出1千萬求驗Derek父子DNA!到咗今日(24日),林作於社交網留言話已經收到陳凱琳弟弟Derek嘅回應,令到林作都好震驚唔知點應對:「我目前要Process吓先知道要如何應對。我將會於今日下午4點發布消息!」
到咗下午5點,林作「找數」於社交網放咗條Derek準備移民加拿大嘅「道別」影片,其實陳凱琳曾經喺訪問中提過細佬Derek就嚟會移民加拿大,仲話同出世以嚟都未試過同細佬分開咁耐,感到好唔捨得呀!林作留言:「本人在今早看到他的告白短片後,嚇了一跳。我們沒有人想Derek離開。」佢話會收回所有offer,勸Derek唔好離開香港,仲嗌所有網民都唔再關注呢個驗DNA風波:「我們沒有人想令一個家庭要分隔兩地。Derek,只要你不走,我願意收回我的offer。一家人和睦最好。昨天才拍片,不需要今日就鬧脾氣。本人願意幫助勸喻所有網民,不要再留意及關注這個驗DNA事件。不是我開始這個話題的,但我承認作為廣大網民之一,我有推波助瀾。但我願意成為這個話題的終結者。
各位,我們必須在不影響到別人一些底線的情況下滿足好奇心,原本我以為鄭先生說一家人心情不受影響,我才放心繼續,但原來已經影響到要道別,我就10萬個不願意了。各位,我們一起,用最衷心的態度,向Derek呼籲:Derek 不要走!」