蔚雨芯豁出去床戰李日朗：預咗會尷尬！

藝人蔚雨芯已有段時間冇拍劇，經驗不多，首次與張振朗和龔嘉欣合作，心情開心又緊張，戲中飾演振朗女友，第一日開工就有場Goodbye Kiss戲，感到好尷尬：「我同振朗唔熟，拍完尷尬到面紅。之後我會同李日朗有場床上戲，預咗會尷尬，但會豁出去演。」

戲中她看不到「女鬼」龔嘉欣，但以前見過靈異事件，故開劇前先入廟求平安，她稱年前跟林明禎到台灣拍戲，到火葬場取景，拍完至傍晚5點回酒店休息，床上紮醒卻全身動彈不得，她說：「見到有隻塗了紅指甲的手，床尾伸上來爪我3吓，但我冇感覺，嚇呆咗。」