忽然中箭　葛斯齊爆王力宏廣邀女性上門：次次逗留1小時

早於2012年曾拍到王力宏疑似嫖妓嘅「台灣最強狗仔」葛斯齊，近排夠晒出位，早前佢就圖文並荗爆料大S前夫汪小菲疑婚內出軌外，牽涉嘅明星亦愈嚟愈多，繼林俊傑、鹿晗、迪麗熱巴後，今次又回歸番去到天王王力宏！

尋晚（24日）葛斯齊喺律師李育昇陪同下開直播，聲稱曾直擊王力宏多次邀唔同女士進家門，部分女士打扮好特殊，有啲仲好性感，仲會只逗留1小時就快速離開：「1小時是為甚麼？打個麻將都來不及……」

葛斯齊續指有次有個女仔只留低40分鐘就走人，佢追上去睇，該女後來坐街撳電話，葛斯齊就偷睇到女仔手機有3個Message，一係「結束了」，二係「金額是對的」，三則通報有收到錢。不過對此，好多網友都唔信，鬧爆指佢口講無憑，想點吹水都得！而王力宏方面暫時未有回應。

不過佢個直播都有提到先前汪小菲話部分傳聞係「被P圖造謠」，葛斯齊回應自己並唔想對號入座，但佢「關刀已經擦亮」，若「汪某人」失憶嘅話，佢都好樂意幫忙對方恢復記憶。