Tim@Dear Jane囝囝好搞笑 食包都嗌爸爸

樂隊Dear Jane今日（25日）到中環出席活動，當一日店長，他們將於8月24與組合C AllStar開騷，日前已開會，主音Tim（黃天翱）讚on仔（陳健安）好多主意，他說：「原來佢哋聽晒我哋嘅歌，on仔好鍾意我哋啲Rock歌。」Tim稱立即用1星期時間聽晒C AllStar的歌，其實好多都耳熟能詳。他們透露演唱會的歌單已定，笑言想個騷嘈一點，會選Rock歌多，及會重新編曲，預計7月底綵排，同時又會籌備新歌。

提到近日開始多工作，感到開心，覺得有工作更有動力。育有一對子女的Tim，透露細仔剛滿一歲，能走幾步及懂得叫爸爸，他笑說：「不過佢食包都係叫爸爸，好過癮，好多身體語言。」提到兒子因為有扁頭綜合症問題，需要佩戴「矯正頭盔」，己佩戴了一段時間，Tim透露再戴多一個月便可除下頭盔，因兒子習慣有頭盔的保護，擔心會冇意識地撞牆。他承認偏心大女，稱女兒好黐他，一回家便攬着他隻腳，令他冧到暈。現場他不忘向3位隊友催婚，講笑將來有孫兒時再同隊友分享。