新歌連奪8榜No.1 Edan獲古巨基大讚感情到位快上手

2022年06月25日 18:01
東網電視
更多新聞短片
歌手古巨基(Leo)全新音樂企劃《I Really Love To Sing》請來呂爵安(Edan)合唱《飄流教室》,甫推出除了同時登上網上平台及音樂發燒影片的首位,更橫掃本地數碼音樂榜3個主要平台,8個榜的No.1,氣勢強勁!Edan的演唱亦大受好評,被網民大讚唱功進步。
較早前,基仔跟Edan在社交網進行直播時,劇透會有錄音花絮推出,而24日,基仔便上載錄音花絮,基仔表示約了Edan於下午2時半到錄音室,由於是首次正式合作,他預早10分鐘到場,不過當他踏入錄音室時,竟然發現Edan已坐定定。開始討論錄音的細節時,基仔表示太耐未有錄音,特別是這首當年沒有被選中作主打的歌曲,講到錄音「辛酸」,Edan坦言其中一句歌詞錄了1個小時:「印象深刻錄得特別耐係『讓每一次亦似初戀第一次』呢句,錄咗成個鐘。」歌曲最後錄了3日。
今次錄音,基仔亦身兼監製,給予Edan很多演譯上嘅引導、感情的發揮,Edan:「古Sir教咗我好多唱歌上要注意嘅嘢,比如呼吸、咬字、感情。最深刻係古Sir教我唱歌同講台詞一樣,教我用演戲嘅方式去唱,對我嚟講好有啓發性。」基仔亦讚Edan快上手:「因為可能Edan有演戲經驗,同埋唱歌其實係用把聲去造表情,只要畀咗一啲引導佢,Edan都好快做到。」今次基仔與舒文聯手監製,製作過程更是不眠不休:「mixing同mastering嗰晚,搞到朝早6點。」此外,Edan最後1天的錄音完成後,適逢當時Edan生日快到,基仔更送上有「E」字的禮服生日蛋糕,為Edan慶祝生日,認真窩心。