粵劇名伶任冰兒設靈 阮兆輝感謝一路扶持劇界

2022年06月25日 18:50
東網電視
更多新聞短片
粵劇名伶任冰兒早前在家中安詳離世,享年91歲,今日(25日)於紅磡世界殯儀館設靈,明天(26日)出殯,靈柩將移送到歌連臣角火化場進行火化。一直照顧任冰兒晚年的契女指「細女姐」晚年精還精神好好,思路清晰,但因跌倒過,行動略為不便,早前則在家中安詳離世。
任冰兒在粵劇藝壇演出超過半個世紀,總共拍過197部電影,演出無數,對後輩更提攜有加,治喪委員會主席阮兆輝受訪表示:「大家都好敬重佢,佢好支持後輩,我嘅上一輩佢已經支持緊,我做正印,佢就做二幫,好多人睇唔到佢嘅功勞,其實佢嘅功勞非常大,所以會用行內最高嘅級別去送別佢,聽日會舉行公祭。」講到與細女姐軼事,阮兆輝指實在太多太多,自己成長大部分時間也與她一齊合作,直言演戲的方式也是學習她。對於有「二幫王」美譽的她,阮兆輝讚揚道:「佢永遠都唔搶戲,會做你嘅基石,令你一步步上,佢嘅功勞冇乜人可以做得到,因為演員好難做到安分守己四個字,但佢就一生都做到。」謝雪心、龍貫天等都有到場,而羅家英與汪明荃伉儷更十指緊扣到來。