余德丞2千萬豪宅裝修　新舊大屋一次曝光

人余德丞（Dickson）出名係富二代，多年來與家人同住跑馬地2千萬豪宅，同天王郭富城係鄰居，現時身兼網紅嘅佢，近日拍片透露因豪宅裝修關係，暫時搬到另一間大屋，更記錄Pack箱過程，意外將豪宅曝光！片中見其豪宅雖然全屋都放滿行李，有大堆雜物，但仍清楚可見客廳及房間空間相當闊落，非常實用。佢表示：「般尼從來不易，搬屋都係！事緣本身屋企裝修咗十幾年當中經過兩次嘅爆水喉同人地漏水落嚟，今年終於忍唔到，決定大裝修！咁大個人第一次認認真真咁執屋同行李，好辛苦！點知半年後又要再經歷一次，Anyway今次故事教訓我，一定要斷捨離！其實你會着同用嘅嘢，嚟嚟去去都係個幾味，帶咁多嘢都係得個拎字！」而片尾佢亦公開新屋環境，雖然面積唔及豪宅，但都設備齊全，有齊酒櫃、水機、焗爐等，加上背住山景環境幽靜，可見佢財力十足。