北上開工思鄉病發　吳若希掛住女兒爆喊

藝人吳若希（Jinny）日前她已起行返內地拍劇，依家喺深圳隔離緊的Jinny，日日都有出甫分享她的隔離生活，並笑言新技能解鎖，去學剪片。去到隔離的第五天，她突然在鏡頭前喊，見她一直眼紅紅，她說：「容許我抒發少少掛念嘅情緒，音樂有樣咁神奇嘅魔力，你開心嘅時候聽到音樂會覺得更開心，但當你好掛住屋企…喺某一種情緒入面再聽到音樂嘅時候，音樂就可以幫你將呢件事催化到好大，所以我今朝好掛住個女嘅時候，聽下歌時候，聽聽吓，點知我就更加掛住個女！」隨即掩面痛哭。

喊完後她又自爆整蠱同樣身在酒店隔離的戴祖儀，她呃對方自己打開窗叫佢個名，問戴祖儀聽唔聽到，但祖儀在短訊表示聽唔到，她就叫祖儀試吓打開窗大叫她個名，祖儀應該上當，Jinny知道後就笑說：「我真係好鍾意你戴祖儀。」

她又透露第一天花了5個半小時終於抵達酒店，看到酒店那一剎，她鬆一口氣，她坐在超巨型大床的床角，她攤大雙手及同伸長對腳，足見她的房間非常寬敝，環境相當舒適，開心到不得了。

歌手林奕匡留言指她看似一個少女，她搞笑回話：「當你做埋爸爸，你就會明白自由的可貴㗎啦。」可想而知自由自在令她回春變成少女，Jinny老公Alex則留言好掛住老婆，她即暗寸老公：「開始開展你自由打機mode未？」雖然有朋友羨慕她張床大得可以任碌，但她卻覺得好空虛，更自爆：「平時我老公成日逼住我瞓㗎。」

本來頭3日她打算喪瞓覺，想彌補平日做媽媽唔夠瞓嘅時間，但之後她發現瞓唔到咁多，但她決定每天找一件事令自己開心，不過去到隔離第四天，她feel到再咁落去會同世界脫節。