任冰兒出殯 謝雪心當對方半個師傅:睇住我成長

20220626
東網電視
更多新聞短片
粵劇名伶任冰兒(細女姐)上月離世,享年91歲,今日(26日)於紅磡世界殯儀館出殯,靈柩隨即移送到歌連臣角火化場進行火化,治喪委員會主席阮兆輝與太太鄧拱璧、謝雪心及羅家英等也有到場送對方最後一程。
謝雪心自言是任劍輝徒弟,而細女姐是任劍輝的堂妹,故自己跟細女姐關係密切:「記得初出道要演出《六國大封相》,入面有場推車戲,係由細女姐教我推車,由細到大除咗師傅之外,係佢睇住我成長,同陪住我踏台板,我哋去新加坡同外地登台,有時唔記得唱到邊句,佢就會嚟救我,呢個栽培嘅心同師傅冇分別。(佢等於你半個師傅?)係㗎!」她指最後一次見對方是在細女姐的壽宴,當時精神不俗,但要坐輪椅,她希望對方安心上路,在天堂跟任劍輝見面。