Anson Lo獲神徒花6位數搞展覽賀壽 有大型海報做打卡位!

2022年06月27日 15:23
東網電視
更多新聞短片
人氣男團MIRROR成員Anson Lo於7月7日27歲生日,其粉絲後援會於當日花6位數,假旺角開設為期兩周的慈善生日月之Pop Up Store展覽作應援,除展出由Anson Lo親筆寫給神徒(粉絲暱稱)的感謝信外,還有大型海報做打卡位,多項精品,及全球只得一個,他拍攝《King Kong》MV時用過的非賣品水樽。而慈善精品達13項,有口罩,公仔,布袋,帽及咕𠱸等,如買齊13項,花費約2,260元。
後援會會長Annie接受訪問時表示:「展覽籌備咗3至4個月,精品扣成本後作慈善用途,唔會做fans club嘅營運費,我哋亦唔會邀請Anson Lo嚟,因為怕呢度會淪陷。」又指因疫情關係,入場者必先網上登記,每時段限40人,而入場名額早已爆滿。
Annie又謂次展覽得到20多名「神徒」一手一腳由設計、布置以及搬貨,由於Anson Lo用過的水樽獨一無二,笑言要買保險。
提到同屬MIRROR成員的Edan歌迷會出現內訌,Annie表示:「交畀佢哋自己處理啦,我哋盡量做好本分,等教主專心做好自己嘅工作,我哋負責Backup,盡量唔會打擾佢。(姜濤話日後減少同Fans合照,可呼籲fans唔好追星? )都唔會特別去comment,如果喺街外拍攝都會吸引途人走埋去,會盡量配合教主,喺佢工作嘅時間我哋都唔會去打擾佢。」