鍾嘉欣冇揀錯當媽：最好嘅決定就係同仔女一齊！

藝人鍾嘉欣（Linda）婚後育有大女Kelly及細仔Jared，一家生活幸福美滿。今年4月佢就宣布懷有第3胎，仲不時貼出大肚孕照，話自己個肚愈來愈大，相當興奮。而喺今日（27日）佢就喺社交網貼出同一對仔女嘅合照，見佢哋三個面貼面癡埋一齊，畫面非常Sweet！Linda仲喺貼文寫到：「我這輩子做過最好的決定，就是和你們在一起。」而Linda日前接受東網訪問時，亦表示好滿意現時嘅佗B生活，仲話呢排忙住湊仔女，覺得好開心，完全感受到佢充滿正能量呀！