林作自稱得到陳凱琳細佬DNA資料：唔知係堅定流！

前港姐陳凱琳（Grace）龍鳳胎細佬Derek因膚色同混血兒外貌被指與爸爸「唔似樣」，而引起全城熱議，「抽水王」林作仲話願意出1千萬求驗Derek父子DNA添！林作今日（27日）於社交網留言：「本人今早收到匿名人士爆料，表示掌握Derek DNA資料，此人表示自己於某間醫學公司任職。」不過佢對於爆料者身份都係半信半疑，需要時間過濾，並透露可能會於今晚9點公開對方發表嘅論點。

佢話為咗保障線人安全，所以唔會公開同對方嘅對話內容：「本人僅僅會公開基因來源，以及問大家意見，由於冇Derek父親基因，所以唔會有任何親子鑒定的可能性，但可能足以做基因成分比較，例如血統來源。」佢仲話就算得知事實都唔會公開，只會滿足自己好奇心，得個知字，並重申佢都唔想Derek離開香港。

到咗今晚10點幾，林作出Post指被爆料者索價幾萬元，就可以知道Derek嘅基因有多少%屬於咩血統，佢話：「我見如此便宜，最多自己知道結果，自己爽就好。確實，關你哋鬼事，我都廢事話你哋知。本來打算與民同樂，揭開真相，令一眾同我一樣頂癮多年嘅人可以放下心頭大石。依家惟有我自己happy。」不過佢都老實講話無法確認佢得到嘅係唔係堅料喎！