黃宗澤張繼聰做「破壞王」 陳家樂準備接招

20220627
東網電視
更多新聞短片
藝人陳家樂、黃宗澤(Bosco)、張繼聰主演的英皇電影《紮職3》近日開鏡,老闆楊受成親自現身主持拜神儀式,現場更有醒獅助興,非常熱鬧!雖然《紮職2》尚未上畫,但《紮職3》已搶閘開拍,三位男主角坦非常雀躍,Bosco笑說:「證明我哋三兄弟有火花,上次拍得這麼好,《紮職2》未上畫,即刻嚟一部好開心!」家樂則表示對這個組合充滿信心:「今次打戲比上集多,好似當我哋係動作演員,上次跑尖東,今次要跑彌敦道!」張繼聰就以「運動片」形容第3集,而3仔在彌敦道街頭亂斬的場口亦已曝光,驚險萬分。
經過上集的經驗,家樂笑指已做足準備招架Bosco與阿聰兩位「破壞王」:「面對兩位出名改劇本嘅高手,我好難忍到笑,明明係好正經嘅場面,佢哋喺埋位前成日將對白改到好好笑,但一開機立即回復正經,所以呢集我會盡量忍住!」阿聰亦坦言見證了家樂成長:「第一次認識佢係年輕人,依家已經將成為人夫,可以話對佢加深了解,亦證明這個組合之中,最唔成熟就係Bosco!如果再開《紮職4》,Bosco要配合的,就是繼續另類、標奇立異!」Bosco為自己呼冤:「你兩個早就『埋晒欄』,可唔可以為朋友着想下?我一年365日,有360開工,你哋真係要幫幫忙!」家樂直言有請教阿聰擺酒心得,阿聰卻愛莫能助:「點畀心得呢?10幾年通貨膨脹,水位都好唔同,依家形式都好多選擇,可以晏晝Cocktail Party、夜晚擺酒,我只係跟家樂講記得要請我!」家樂即笑說:「當然會,而且仲會請Bosco,因為佢哋會有『人情』!」
而片中與Bosco有感情線的周勵淇(Niki),笑指雖然雙方很久沒有合作,但首日開工已展現默契:「都係同舊拍檔一齊最開心,相熟程度已去到無所不談,成日傾家事,佢未成家立室,我都有追佢快啲,希望等到好消息。」Bosco呼籲大家替他作媒。至於闊別大銀幕多時的陶大宇及鄭浩南(Mark),亦強勢加盟《紮職3》,合演一對同門師兄弟,大宇表示:「我們既有兄弟情,亦有明爭暗鬥,角色塑造頗為立體,唔只係打打殺殺,非常精彩!」