胡鴻鈞去十月初五日街打卡　同張兆輝「父子重聚」

歌手胡鴻鈞（Hubert）身在澳門忙於為準備7月中的音樂會準備及宣傳，期間他又舉辦了粉絲見面簽名會，他透露忙於與樂隊排練及跟舞蹈員排舞：「今次Rundown同香港音樂會有啲唔同，揀咗啲內地朋友相對熟悉嘅歌，希望有新歌唱畀大家聽，至於晒肌就賣關子先！」

難得去到澳門，作為新版「初哥哥」的他更特意到訪十月初五日街見識打卡，他解釋先前拍《十月初五的月光》時沒機會去澳門取景，所以趁今次可以親身到大三巴等景點，又品嘗地道美食葡撻、豬排包等等，重拾旅行感覺！

在澳門期間他更與張兆輝「父子重聚」，早前他們合作電影《一樣的天空》，兩人飾演父子，他說：「咁啱輝哥喺澳門，所以大家即刻約食飯，佢好好，拍戲上指導咗我好多，見到佢對角色嘅執着投入，因為佢角色係潮州人，有幾句對白佢專登講潮州話，睇得出佢研究得好仔細。」