謝安琪大晒女兒舞技　承傳強勁基因

天后謝安琪（Kay）在社交網分享女兒張靖（暱稱Kaka ball）在舞台上的勁舞演出，一身hip hop打扮的Kaka ball好似南韓女團上身咁，手舞足蹈勁度十足，Kay指妹妹真係好鍾意跳舞，第一次上台表演一啲都冇怯場，可能因為佢真係好鍾意呢首歌，她叫大家估吓係咩歌喎！即刻有網友留言：「好明顯係神徒！」指是Anson Lo的勁歌《Mega Hit》。

原來是女兒在畢業禮上表演，Kay寫道：「妹妹五歲，幼稚園畢業，多謝一班家長花好多心機籌備，製作一個令大家咁難忘嘅畢業表演，各位小朋友精靈可愛，一眾家長們拍爛手掌，小朋友真係長大得好快，希望將佢哋每一個時刻都好好記錄。」

Kay仲將自己喺舞台上跳舞演出，跟女女相比，她續寫：「係基因囉，我意思係搞笑方面，平日唔係咁覺嘅，我跳舞嗰陣時就比較明顯，妹妹係型嘅，我係搞笑嘅。」網友都大讚Kaka ball跳得型，有壓台感，有網友笑言她可以出道了。