張敬軒深夜驚爆雪櫃失竊事件　餓到暈都不忘力撐「未婚妻」

「早餐KOL」張敬軒經常開箱家中「遮遮」準備嘅創意料理，成為網民熱話，昨晚凌晨佢返到屋企，見肚餓諗住去雪櫃搵嘢食，仲好好唱口，一邊唱住歌一邊喺雪櫃探秘，首先見到雪櫃嘅食材都好正路，有啫喱、有哈密瓜，點知愈睇愈唔對路，不但有過期火腿同牛油，而且打開櫃桶，全部都係齋，令怇都忍唔住笑言「遮遮」當佢係草食動物，大呻冇啖好食。不過最令人驚訝嘅，竟然爆出「失竊」事件，日前佢珍而重之嘅蛋糕竟然離奇消失，佢即崩潰表示：「我嚿蛋糕去咗邊？」

另外，佢又不忘為「未婚妻」七仙羽將於8月舉行嘅「唱笑會」宣傳造勢，轉發海報又留言：「我下世嘅未婚妻（佢自己話嘅）！佢又嚟喇佢！」見七仙羽又扮白雪公主又扮小丸子，相當搞笑。