翻拍張曼玉《女飛賊》新劇首播！陳法拉化身女僕勁嬌俏

女星陳法拉去年憑電影《尚氣與十環幫傳奇》蜚聲國際，及後更獲法國導演奧利華阿薩耶斯（Olivier Assayas）邀請拍攝新劇《迷離劫》（Irma Vep），改編奧利華前妻張曼玉的舊作《女飛賊再現江湖》。近日劇集終於播出，法拉於社交網大晒劇照，見佢以黑白女僕Look登場，手持羽毛掃，表現風騷嬌俏，佢雖然換上「師奶味濃」嘅短曲髮，但佢一於完美駕馭，仲增添幾分可愛味道。唔少網民都好好奇佢之後喺劇中嘅發展，期待佢變身「女飛賊」！